അച്ഛന് കമൂണിസ്റ്റ് ആയിരുന്നത്കൊണ്ട് ദൈവം എന്ന സംഭവത്തില് വിശ്വാസം ഒന്നും ഇല്ലാര്ന്നു. എന്ന് വെച്ച് ഞാന് ഒരു യുക്തിവാദി ആയിരുന്നില്ല, അതായത് ദൈവവിശ്വാസമുള്ളവരെ വെല്ലുവിളിക്കാനൊന്നും പോയിരുന്നില്ല. യേശുദേവന് പറഞ്ഞുവെന്നു പറയപ്പെടുന്ന പോലെ, 'അവരെ അവര്ടെ വിശ്വാസം രക്ഷിക്കട്ടെ, എന്നെ എന്റെയും' എന്ന വഴി ആയിരുന്നു എന്റെത്.. പക്ഷെ ആ തെണ്ടികള് എന്നെ വെറുതെ വിട്ടിരുന്നില്ല, കിട്ടിയ ഗ്യാപ്പിലെല്ലാം എനിക്കിട്ടു അവര് ആപ്പ് അടിച്ചു കേറ്റികൊണ്ടിരുന്നു..
അങ്ങിനെ പത്താം ക്ലാസില് പഠിക്കുമ്പോള് ആണ് ഞാന് ആ കാര്യം ശ്രദ്ധിച്ചത്.. എല്ലാവരും പഠിക്കുന്നതിനേക്കാള്, താത്പര്യത്തോടെ അമ്പലത്തില് പോകുന്നു.. പഠിച്ചിട്ട് എന്തായാലും ജയിക്കാന് പോകുന്നില്ല എന്നാ കാര്യം എനിക്കും ഉറപ്പായിരുന്നു പക്ഷെ അത് കരുതി ഇല്ലാത്ത ദൈവത്തിന്റെ മുന്പില് മുട്ടുകുത്തി, തലകുത്തി മറയുന്നതിനെക്കാള് നല്ലത് പഠിക്കുന്നത് തന്നെയാണെന്ന എന്റെ വിശ്വാസം വിട്ടു കളിക്കാനോന്നും ഞാന് മേനകെട്ടില്ല. പക്ഷെ പഠിച്ചു തുടങ്ങിയപ്പോള്, പരീക്ഷ അടുത്തുതുടങ്ങിയപ്പോള്, ദൈവം ഉണ്ടായിരുന്നെങ്കില് എന്ന് ഞാനും ആഗ്രഹിച്ചു തുടങ്ങി, അങ്ങിനെയാണേല്, ആ മണ്ടന്മാര് പ്രാര്ഥിക്കുന്ന പോലെ പ്രാര്ത്ഥിച്ചു എന്തേലും നടന്നേനെ.. അങ്ങിനെ പല മണ്ടത്തരങ്ങളും ആലോചിച്ചു, പഠിക്കാതെ ജയിക്കാനുള്ള മറ്റു വഴികളെക്കുറിച്ച് ഗവേഷണം നടത്തുന്നതിനിടെയാണ് ഞാനാ അദ്ഭുത കാഴ്ച കാണാനിടയായത്.
ശാസ്ത്രമാണ് എന്റെ മതം, ശാസ്ത്രമറിയുന്നവര് എന്റെ ആരാധനമൂര്ത്തികളും എന്നാ സിദ്ധാന്തവും കെട്ടിപിടിച്ചു, ഞാന് ആരാധിച്ചു നടന്ന എന്റെ കെമിസ്ട്രി ടീച്ചറും, ഫിസിക്സ് ടീച്ചറും കൂടി, നല്ല കസവു സാരിയെല്ലാം ഉടുത്തു അണിഞ്ഞൊരുങ്ങി ഇതാ അമ്പലത്തിലേക്ക് കേറിപോകുന്നു.. രണ്ടു പേരും ചെരുപ്പകാരല്ലാത്തത് കൊണ്ട്, പ്രാര്ത്ഥിക്കാന് തന്നെയാണ് പോകുന്നതെന്ന് എന്നെനിക്കുറപ്പായി.
"ദൈവമേ ചതിച്ചോ, ഇനി പറഞ്ഞു പിടിച്ചു ദൈവം ശരിക്കുമുണ്ടോ??!!"
-മനസ്സില് ഒരു ചെറിയ ലഡ്ഡു ആന ചവിട്ടി പൊട്ടിച്ച പോലെയായ്..-
ആലോചിച്ചിട്ടു ഒരു എത്തുംപിടുത്തവും കിട്ടാതെ ഞാന് വീട്ടിലേക്കു പതിയെ നടന്നു..
"ഇനി ദൈവം ഉണ്ടെങ്കില് തന്നെ, പത്തു പതിനാറു വര്ഷത്തെ ദേഷ്യം കാണുമല്ലോ എന്നോട്, അപ്പൊ എന്റെ പ്രാര്ത്ഥന കേള്ക്കുമോ?!.. പണി പാളുകയാണല്ലോ"
"ഇനി ടീച്ചര്മാര്ക്ക് തെറ്റ് പറ്റിയതാണോ..?!.. ശാസ്ത്രം തോല്ക്കുകയാണല്ലോ..!!.. ഇനി ദൈവം എന്റെ പ്രാര്ത്ഥന കേട്ട്, എന്നെ ജയിപ്പിച്ചാല് ഇത്ര നാള് ആരാധിച്ച ശാസ്ത്രത്തെ വിശ്വസിക്കാന് പറ്റാതാവും.. ആകെ പ്രശ്നമായി, എന്ത് ചെയ്യും.."
ഇതെല്ലം ആലോചിച്ചു നടക്കുന്നതിനിടെയാണ്, രവ്യേട്ടന്റെ കട കണ്ടത്..
ഒന്നും നോക്കീല്ല, ചാടികേറി പറഞ്ഞു
"രവ്യീട്ടാ, ഒരു സൈക്കിള് ശുദ്ധ അഗര്ബത്തി.."
മൂപ്പര് ഒരു നോട്ടം, പറഞ്ഞ സ്റ്റൈല് പിടിച്ചില്ലന്നു തോന്നി..
അതും മേടിച്ചു വീട്ടിലേക്കു നടക്കുമ്പോള് ആലോചിച്ചു
"പ്രാര്ത്ഥിക്കാന് എല്ലാര്ക്കും ഓരോ കാരണങ്ങള്.. എന്തായാലും, റിസള്ട്ട് വരുന്ന വരെ ശാസ്ത്രത്തെ മറക്കാം.."
